一句话好多人明但好多人做唔到既说话想同大家分享！
就喺，“爱情令你忘记时间，时间令你忘记爱情”。
系咪听过呢？系咪明白呢？但系你地又系咪犯过呢？我谂多数都会犯过，唔好彩既就会遇过。
而家爱得好幸福既人多数会明前半句，但系唔明后半句，因为你地都唔会谂到你地有朝一日会分开。
爱系一样好抽象既事来，你话区有又好，无又好，总之你唔可以摆到一样叫爱既物件出来。男仔爱你系爱你，但区爱你几多极可能同女仔既标准唔同。区爱左你之后系有热恋既阶段。区许下诺言系人许出来。个诺言要维持就要区许下诺言既依然动机存在，爱你唔系必然，唔系可以改变，所以唔好随便信男仔讲既野，呢样系保护你自己，而你自然亦要努力维持，拍拖系要付出架。自己谂下自己有乜野值得人地保持去爱你呢？虽然话爱系无原因，但系爱落去就一定要有原因。
好多人都以为男仔系一定要就女仔，无可否认，但系有限度。区点解要就你？同你系朋友就系会因为礼貌而就你，但系同你拍拖既时候就系因为爱你，系因为爱你咋！区地就你既时候会觉得无所谓，又或者会有时觉得唔开心，但系就你会令你开心，因为区爱你。但系当呢种开心平衡唔到就你既唔开心，区地就会唔想就你架喇。小心你地会唔可以让步，但呢样野又好取决于你地睇对方有几重要。当然，你地可能唔好彩同一D自私既人拍拖。但系我只可以讲既系做好你自己。做好自己，唔好到时话区唔够就你，唔爱你喇，有D野系有度架。你开心时区开心，甘区先肯就你架嘛。
女仔比男仔更享受异性既追求，因为男性追求人既时候真系比女性落力好多。时间系对爱情最大既考验。当一对人一齐耐佐，就会自然无乜野讲。区地既生活会变得公式化，如果系你一个只求开心，唔要求可以两个人一齐耐D，甘你就睇到呢度算。但系如果你想两个人可以耐D，就唔好俾拍拖生活既平凡令你失去爱既动力。明白耐佐系会有甘既副作用时，就要小心其他男人。你觉得平凡既时候，总会发觉有个人（唔系你男朋友）吸引到你既注意力。小心你自己既心，呢个时候好易变心，如果分唔清你同你男朋友系平凡定系淡既时候，就算心动都要忍住。因为你如果忍唔住，到你发觉你同你男朋友系平凡难得既时候，你会惨过比你飞既男朋友。但如果你永远都追求更好既一个，好唔安份既话，我都系一句，唔好睇落去。
女仔多数会中意男朋友陪住自己，虽然有D女仔系好独立，但系毕竟都系好少数。其实你地想个男仔陪住你既时候，可以谂下你地拍拖之前，或者你仲系独身无人中意既时候系点过。甘你地会好过D。女仔痴身系要架，太过痴身唔好，唔痴身都唔好。总之呢样野我就真系唔可以讲咩。但系谂只要你地谂下你地仲系独身既时候，各自有自己既生活既时候，就唔会在陪伴时间呢个问题上令双方感到压力。
女仔好多时候都控制唔到自己讲既野。我一定唔会叫你地唔讲野。因为男仔系都几迟钝既一种生物。有D野女仔唔讲到明区地都唔会明，仲会扮唔明。所以你地一定要讲你地想讲既野。但系就要小心去讲。唔好太过份。男仔有时讲野系伤，但系好多时候唔会俾女仔讲出来既更伤人。唔好为佐激人，而讲D故意伤人既说话。但要提醒自己唔好做D第日后悔既事出来。你地拍紧拖，仲未结婚人，男仔唔一定会因为爱你而忍你，而且作为一个女仔，唔知男仔会俾咩反应你，唔好做到男仔丢你在街上。为自己唔好甘劳气，有时你知道你仲系拍紧拖，就会知道唔一定值得架喇。
每个人都会有缺点。对方会话你就同你会见到男朋友撩鼻话区一样。话你会有合理同唔合理，但唔好区话你就唔开心，要谂下区话得有无道理。可能区会讲好过份，可能会觉得区不可理喻，但呢个唔系重点，区话既原因先系重点。话一个人系几劳神，特别系你想区改。所以要放开心胸，有则改之，无就当区讲错你，平常心，原谅区你都会好过D。系爱你男朋友既话呢D事系绝对可以原谅架。
有时，女仔会想同男仔讲偈，但总系觉得男仔唔明区。其实要明白一个人系好难既事。会有时区唔想同你讲野既时候，会有你唔想同区讲野既时候。所以当你地一齐想讲野既时候，就好好珍惜。我讲既沟通唔系去边度吃饭、去边度睇戏，买边件衫，边个明星D歌唱得好呢D甘无深度既事。讲野时要坦诚，一定唔可以惊区唔开心而唔讲。对方够成熟，爱你，听时可能会唔开心，但之后会明白。相反你都要做得到，对方讲野时唔好先谂住驳，因为有时只要你一驳，对方就会唔想讲，会觉得讲来都无用。听多D，讲多D，改善自己，唔单止系为佐段感情，最重要仲系为佐你自己。有个情人俾你可以深入D去了解人同人既问题，唔好浪费，唔通你同你叫出去玩既
人讲埋你同人相处既得咩？更何况你都唔想个男仔唔顾你令你唔想区唔开心时候自己要晚晚喊啦。爱系两个人既事来，系人都知，但又明几多呢？有个人肯讲自己乜唔好既，男女朋友系好难得架。
男会中意玩，但会比女孩更早定性，女仔唔想男仔顾住玩，但多数会玩到见人地都唔想玩先至识惊，所以会比男仔玩得更耐。呢个只系男女既不同之一。男女不同仲好多。但唔该你地明白，男女系有唔同架。互相迁就，唔好成日要求个男既完全乎合你既要求，如果系要甘既话，不如飞佐区，因为个世界七十亿人，总会有人完全乎合你既要求。要知道，如果对方为你改到完全乎合你既要求，但系区已经唔系区，某你爱既人就已经唔见佐。当然我甘讲系有D夸张，但系只系想大家知道一样野，有限度接受区，有限度改变区，他唔会甘劳气，区唔会甘大压力，区想改既，少少、慢慢来都会改俾你睇，区唔想改，你讲到哑区都唔会改，一系接受，一系俾D耐性（唔系话一年有耐就性，耐性系要受到不断既挑战先知底线。），无必要搞到自己见到区就嬲啦！
上一点最后讲过一样野叫耐性。呢度我想讲既都系面对小事时既耐性，因为如果真系大事，女人通常都会好有耐性。点解小事要有D耐性呢？因为有时男性比女性无耐性既情度差好多，但更多女性比男性无耐性！点解拍拖要有耐性呢？因为两个人之间有好多野要等。等区放低之前既人，要等区改，等区更爱你，等区对你更坦白，等区学识去等你！全部都要时间。要有耐性，首先要识得有一个谂法，就么同区既日子仲有好多，点解要急于一时呢?无耐性既人好容易令人感到压力。男性好多时都会有D野中意拖字诀，如果你无耐性，点同区作长期抗战呢？仲有，有耐性都系一种美德，有耐性，你就自然识得忍耐。小小事都唔忍得，无耐性，你对男仔既吸引
力就会无甘大，因为你会忍唔住对区太好！你无耐性，都会好容易伤到自己，因为当激情过后，你会好易忍唔住长久既平凡。同时唔好睇到呢度唔记得我一路讲既都系小事，如果你连小事都无耐性，迟早兼极有可能男朋友俾你烦死，你就俾个男朋友激死（最重要系呢样）！
女仔中意口不对心。有时区讲错野时，总会讲：{我个口就系甘讲，但我个心唔系甘谂架。}人同人相处，做出来既事就会成为人地对你性格既印象。表里不一，掌握得好会令人觉得你神秘，增加你既吸引力，令你既男朋友多少会为你神魂颠倒（区地可能会有多D兴趣去发掘你既本质，不断从你身上找寻惊喜），但系如果你掌握得唔好，又或者你本来系个甘既人，你就会令人无所适从，觉得你好假，男方会为佐知道你本来性格疲于奔命，特别系你故意甘做。可能区有好努力甘了解你，都知你有时表里不一，但系他根本唔可能知表里不一又自相矛盾时真正既想法。除非区系你，但系无可能架嘛！甘样搞法，就算平时沟通得好好都会俾你玩死。
你可能唔系区最爱既一个，区都可能唔系你最爱既一个，如果系既话，呢样野大家无论拍拖几耐都好，都一定接受，特别系你爱区，唔系你只会伤心死你自己。如果你最爱唔系区，你唔讲给区唔知，不过当然如果区问到，唔好讲大话，唔好讲无。呢样野一定要老实。不过就唔好唔该唔好成日提，因为男人好怕俾人地稳区来同人比，你可以话对方点唔好，不过唔好人比人。有个女仔，区成日同区男朋友讲咀完既时候，同区男朋友讲区最爱既A君咀得技巧好D。令到个男仔之后每次听到区女朋友讲最爱系区既时候都觉得区讲紧大话，每次听到讲最爱区既时候一D都唔会开心，只有伤心，但系个女仔可能讲真。有D野收得好D，大家开心D。唔好话区都做唔到呀，
我只系叫你做好自己，好多时候系唔可以甘计较。
本文来源：https://www.2haoxitong.net/k/doc/087fb519b7360b4c2e3f6495.html
文档为doc格式