1)落雨大
落雨大,水浸街,阿哥担柴上街卖,阿嫂出街着花鞋,花鞋花袜花腰带,珍珠蝴蝶两边排.排排都有十二粒,粒粒都係解放牌.
2)排排坐
排排坐,吃果果,猫衣担凳比姑婆坐,坐烂个屎忽,唔好赖我,赖番隔离个二叔婆
3)捉大贼
点指兵兵,点指贼贼,点着谁人做大兵,点着谁人做大贼.
4)跳橡筋
董存瑞,十八岁,为国牺牲炸堡垒,炸到堡垒咯咯脆,全国人民流眼泪.
5)月光光
月光光,照地堂,虾崽你乖乖瞓落床，听朝阿妈要捕鱼虾啰,阿爷看牛要上山坡。哦哦哦......
阿崽你快高长大啰 帮手阿爷去看牛羊。哦哦哦......
月光光,照地堂,虾崽你乖乖瞓落床,听朝阿妈要捕鱼虾啰!阿嫲织网要织到天光.哦哦哦......
虾崽你快高长大啰 撑艇撒网就更在行。哦哦哦......
6）月光光,照地堂,年卅晚,摘槟榔,槟榔香,摘紫姜,紫姜辣,买胡辣,
胡辣苦,买猪肚,猪肚肥,买牛皮,牛皮薄,买菱角,菱角尖,买马鞭,
马鞭长,买屋梁,屋梁高,买张刀,刀切菜,买箩盖,箩盖圆,买纸船,
船沉底,浸死嗰班番鬼仔！
7)点虫虫
点虫虫,虫虫飞,飞到荔枝基,荔枝熟,摘满屋,屋满红,陪住个细蚊公(小孩).
8)猜呈沉
呈沉剪,呈沉包,呈沉糯米叉烧包.老鼠唔食香口胶,要食豆沙包.
9)骑牛牛
骑牛牛,牛牛走,牛牛响)前咪回头,若然回头就打箩柚.
10)掟砖头
掟砖头,斗大够,一掟掟到西门口,溅起浪花抛浪头.
11)咕碌咕碌
纸皮纸皮剪纸皮,上上下下左左右右前前后后,咕碌咕碌一,咕碌咕碌二,咕碌咕碌三,准备开炮打敌人！
12)拍大骳(大腿)
拍大骳,唱山歌,人人话我无老婆,嘀起心肝(下决心)娶返个,有钱娶个娇娇女,
无钱娶个豆皮婆,豆皮婆,食饭食得多,屎屙两箩,屙尿冲大海,屙屁打铜锣.
13)暧姑乖
嗳姑乖 ,嗳姑乖 ,嗳大阿姑乖要嫁后街.后街有啲乜嘢卖, 有啲鲜鱼鲜肉卖
重有鲜花戴 ,戴唔哂,落床头畀老鼠拉 ,拉去边 ,拉去大新街.
14)鸡公仔
鸡公仔,尾弯弯,做人新抱甚艰难！早早起身都话晏,眼泪唔乾入下间,
下间有个冬瓜仔,问安人老爷煮定蒸,
安人又话煮,老爷又话蒸,蒸蒸煮煮唔中安人老爷意,
大把拉盐又话淡,手甲挑盐又话鹹,三朝打烂三条夹木棍,四朝跪烂四条裙！
咁好花裙畀你跪烂,咁好石头畀你跪崩!横又难,直又难,不如舍命落阴间!
人话阴间条路好,我话阴间条路好艰难！
15)大食懒
大食懒,起身晏；洗冷水,食冷饭.
16)收买佬
收买烂铜烂铁,收买旧报纸 ,收买烂铜烂铁,收买旧报纸
旧报纸呀堆满屋,旧仔呀摆满厅,旧衬衫呀塞满房,问阿妈呀点算好
旧也好 新也好.旧与新都可变宝.卖了它即可变钱.若要钱搵收卖佬
收卖佬天天上路,没理风吹兼雨打 ,一买一收一世乐,旧也好呀新也好
卖了旧报纸买噹噹糖,卖了旧仔买甘草榄,收买佬天天上路,旧也好他都当宝
17)阿公公
阿公仔,须扒扒,你饮酒,我饮茶,茶苦唔好食,酒醉唔好饮,我们快去外面玩泥沙.
18)斩料,斩料,斩嚿大叉烧.油鸡卤味样样都要,斩嚿大叉烧,哗！
19)一只竹仔易折弯,几只竹仔欲折难,孤掌莫欺倚.团结方可有力量.
大众合作不分散,千钧一发亦当闲,群策群力无猜忌,一期都好顺利,好.
20)大西瓜、多好啊,个个都像吃,大家分、切开它,味道顶呱呱,唔小心、吞左啦,
圆圆几粒啊哎呀呀,问妈妈、点算啊,头顶长西瓜！妈妈、笑住话,******
春天、到冬天,时时有西瓜.
21)砌城城、我地砌城城,砌完架火车我地砌城城,砌完架飞机我地砌城城,哈、哈、我地砌得好高兴
22）打开蚊帐打开蚊帐,有只蚊,有只蚊
快啲罗个拍来,快啲罗个拍来
拍晕拒、拍晕拒.
23）又喊又笑
乌蝇打叫，禽佬濑尿，老鼠行桥，行到西门口，比人打罗友
24）何家公鸡何家猜：
真怪诞呀又有趣,阿望望公园里,有四百只公鷄 咯咯咯,是何家都不知道,
何家公鸡何家猜 ,何家小鸡何家猜,何家公鸡何家 猜,何家母雞咯,咯,咯
猴子哥哥 熊先生 松鼠妹妹 牛叔叔 黃狗爸爸 羊媽媽 來猜來猜落
25）齊齊望過去：
齐齐望过去 清溪里有只青蛙想跳水
齐齐望过去 小屋里有只猪仔真风趣
有只了哥 吱吱喳喳想驳咀
齐齐望过去 山窿里有只狮子竟饮醉
26）《氹氹轉》——選自《精選經典童謠》(錄音帶)
氹氹轉，菊花圓，炒米餅，糯呀糯米糰；五月初五係龍舟節啊！亞媽佢叫我去睇龍船，我唔去睇我要睇鷄仔，鷄仔大我扐去賣，賣得幾多錢？賣咗幾多隻呀？我有隻風車仔，佢轉得好好睇，睇佢氹氹轉呀，菊花圓，睇佢氹氹轉呀，氹氹轉又轉。
本文来源：https://www.2haoxitong.net/k/doc/a7bf05f1941ea76e58fa044a.html
文档为doc格式